Jalo Helsinki

Jalo hóf starfsemi í Finnlandi árið 2009. Orðið jalo merkir göfugur á finnsku og oft notað sem nafn á góða og trygglynda varðhunda. Jalometali þýðir góðmálmur og þannig varð vörumerki Jalo til: Göfugur varðhundur skapaður úr bestu mögullegu hráefnunum, ætlaður til eldvarna á heimilum.

Ekki skemmir fyrir að stofnendum Jalo var mikið í mun að vörur þeirra væru fallegar útlits og í raun var það kveikjan að hugmynd Jalo. Fallegar vörur sem viðskiptavinir þeirra yrðu ánægðir með að setja upp á heimilum sínum.

Hönnuðir og verkfræðingar Jalo vinna því hlið við hlið við að skapa fallegar og um leið hágæða öryggisvörur í takt við alla staðla á sínu sviði.